ລະຫັດສ່ວນຫຼຸດ (ໂປຣໂມຊັ່ນ)

ລະຫັດສ່ວນຫຼຸດ ຄືຄຳສັ້ນໆ ເຊັ່ນ SABAIDEE10 ທີ່ລູກຄ້າພິມໃສ່ໃນກະຕ່າ ກ່ອນຢືນຢັນການສັ່ງຊື້ ແລ້ວຍອດຈະຫຼຸດລົງທັນທີ. ສ້າງ ແລະ ຈັດການໄດ້ໃນເມນູ “ໂປຣໂມຊັ່ນ” ຂອງຮ້ານ.

1. 1ເປີດ “ໂປຣໂມຊັ່ນ” ແລ້ວກົດ “ສ້າງລະຫັດໃໝ່”
2. 2ພິມລະຫັດ (ຕົວອັກສອນອັງກິດ ແລະ ຕົວເລກ — ຈະຖືກປ່ຽນເປັນຕົວໃຫຍ່ເອງ)
3. 3ເລືອກປະເພດ: ເປີເຊັນ (ເຊັ່ນ 10 = ຫຼຸດ 10%) ຫຼື ຈຳນວນເງິນເປັນກີບ
4. 4ຕິກ “ສຳລັບລູກຄ້າໃໝ່ເທົ່ານັ້ນ” ຖ້າຢາກໃຫ້ເບີໂທໜຶ່ງໃຊ້ໄດ້ຄັ້ງດຽວ; ໃສ່ວັນໝົດອາຍຸ ແລະ ຈຳນວນຄັ້ງສູງສຸດ ຖ້າຕ້ອງການ (ປ່ອຍຫວ່າງ = ບໍ່ຈຳກັດ)
5. 5ກົດ “ສ້າງລະຫັດ” — ລະຫັດໃຊ້ໄດ້ທັນທີ

ສ່ວນຫຼຸດເປັນຈຳນວນເງິນ ຈະຫຼຸດອອກຈາກຍອດສິນຄ້າຂອງທັງອໍເດີ ຄັ້ງດຽວ — ບໍ່ແມ່ນຫຼຸດທຸກລາຍການ. ສ່ວນຫຼຸດທັງສອງແບບ ບໍ່ກວມຄ່າແພັກ ແລະ ຄ່າທຳນຽມເກັບເງິນປາຍທາງ.

ບອກລູກຄ້າໄດ້ຫຼາຍທາງ: ຂຽນລະຫັດໃນຂໍ້ຄວາມປະກາດເທິງສຸດຂອງຮ້ານ (“ຕັ້ງຄ່າຮ້ານ” → “ໜ້າຕາ” — ລູກຄ້າແຕະເພື່ອສຳເນົາ), ເຮັດ QR ຫຼື ລິ້ງທີ່ໃສ່ລະຫັດໃຫ້ລູກຄ້າເອງ ໃນ ໜ້າລິ້ງ ແລະ QR, ຫຼື ເລືອກລະຫັດຕອນເຮັດ ຮູບພ້ອມໂພສ ຂອງສິນຄ້າ.

ໃນໜ້າອໍເດີ ທ່ານເຫັນລະຫັດທີ່ໃຊ້ ແລະ ຈຳນວນທີ່ຫຼຸດ. ໜ້າ “ໂປຣໂມຊັ່ນ” ບອກວ່າແຕ່ລະລະຫັດຖືກໃຊ້ຈັກຄັ້ງ. ປິດລະຫັດດ້ວຍປຸ່ມ “ເປີດໃຊ້ງານ”: ລູກຄ້າຈະໃສ່ບໍ່ໄດ້ ແຕ່ຂໍ້ມູນຍັງຢູ່.